اكتشفت مؤخرا انك سهل جدا تروح المريخ لكن صعب انك ترضى البنت بتاعتك.
لوقلتلها "انتى شيك انهاردة وزى القمر" تقولك.."مانا طول عمرى كدة "ولو مقلتش يبقى انت مبتفهمش .
لوعزمتها على السينما تبقى نيتك وحشة وعايز تبوسها ؛ولو ماعزمتهاش تبقى بخيل ونتن.
لوقلتلها "تعالى نتمشى على الكورنيش "تبقى انت مش خايف ان حد من قرايبها يشوفكوا مع بعض؛ ولو قلتلها "بلاش" تبقى انت خايف ان واحدة من اللى كنت تعرفهم تشوفك .
لو اتصلت بيها كل يوم تبقى لزقة ..ولو مااتصلتش تبقى مبتحبهاش .
لورفضت وجهة نظرها فى اى موضوع تبقى انت مش قادر تفهمها؛ولو وافقت يبقى معندكش رأى.
لوحطيت برفان تبقى معاك مقابلة خاصة ؛ولو محطيتش تبقى ريحتك وحشة .
لو اتكلمت معاها كتير تبقى "رغاى"ولو سكت تبقى كئيب.
لوقلتلها بحب اغانى تامر تبقى معقد .
لو ابتسمت فى وش صاحبتها ..تبقى بتاع بنات ؛ولو رسمت تكشيرة تبقى مش بتفهم فى الاتيكيت .
لو سألتها "مالك؟" تبقى مش قادر تحس بيها؛ولو مسألتش تبقى مش مهتم .
لو جيبتلها هدية غالية فى عيد ميلادها تبقى انت مش عاوز توفر عشان تتجوزها بسرعة؛ولو جبت هدية رخيصة تبقى مش مقدر قيمتها .
لوكلمت ماماتها وحكيت على ظروفك بكل صراحة تبقى بتحط العقدة فى المنشار؛ولو كدبت على اهلها تبقى كداب ومش مصدر ثقة.
لوزعلت منها عشان كل شوية تقولك " انا خارجة مع صحابى"تبقى رجعى؛ ولو مزعلتش تبقى مش راجل.
لو معجبكش الاكل اللى هى بتحبه تبقى اهتمامتكوا مش واحدة؛ ولو عجبك تبقى انت منساق .
لوقلتلها بحبك كل شوية تبقى بتضحك عليها بكلمتين ؛ولو مقلتش تبقى مش رومانسى.
لولبست كويس تبقى عينيك زايغة؛ ولو لبست وحش تبقى معفن .
لو سألأتها "رايحة فين ؟ وهتيجى الساعة كام ؟"تبقى خنقة ؛ولو مسألتش تبقى مش راجل.
لو طلبت منها "بلاش تتكلمى مع دة"تبقى متخلف ؛ولو ماطلبتش تبقى انت مش بتغير عليها .
ومتهيألى انها بعد الجواز هتكون كدة برضه غير راضية..
لو كلمتها عن العيال تبقى عايز تبوظ جمالها؛ولو مكلمتهاش تبقى عايز تتجوز عليها .
لو قلتلها "تعالى نعمل فسحة "تقولك"انت فاضى ورايق"ولو مقلتش"تبقى مبتحبهاش زى الاول".
لوعاتبتها انها نسيت البوتاجاز مفتوح يبقى انت بتتلكك عشان عايز تعمل مشكلة؛ولو ما عتبتهاش تبقى انت عاوز تخلص منها.
لو طلبت منها انها تهتم بشكلها تبقى مراهق ؛ولو مطلبتش تبقى انت ماشى مع واحدة برة.
السبت مايو 30, 2015 4:18 pm من طرف sadel56
اليومية
موضوع: ليه البنات صعبة كدا ؟؟؟؟؟؟ 
