حكمة جميلة

موضوع: حكمة جميلة الأربعاء فبراير 02, 2011 3:27 pm

دخل ولد عنده 10 سنين لمقهي وقعد علي ترابيزه، حطت الجرسونه قدامه كوبايه مايه.

فسألها الولد : بكام الآيس كريم بالكاكاو ؟

قالتله : بخمسة جنيه.

فخرج الولد ايده من جيبه وقعد يعد الفلوس اللي معاه.

وسألها تاني : طيب، وبكام الآيس كريم لوحده من غير كاكاو ؟

في الوقت ده كان في زباين كتير مستنين ترابيزه تفضي عشان يقعدوا.

فبدأ صبر الجرسونه يخلص، فجاوبته بطريقه ناشفه كده : بـأربعه جنيه.

فعد الولد فلوسه وقال : ماشي هآخذ الايس كريم العادي.

فجابت له الجرسونة الطلب، وحطت فاتورة الحساب على الترابيزه ومشيت.

خلص الولد الآيس كريم ودفع حساب الفاتورة ومشي.

ولما رجعت الجرسونة للترابيزه عينها دمعت وهي بتمسح الترابيزه.

لانها لقت جنب طبق الايس كريم الفاضي .. جنيه واحد.

يعني الولد حرم نفسه من الايس كريم اللي بالكاكاو عشان يوفر جنيه يكرمها بيه.

حكمة جميلة 227_546_storm_143122723844

كثير اوي بنقع في حرج أو نتسبب في شحن نفسي تجاه ناس نحمل لهم كتير من الحب والتقدير

ولكن الإستعجال في إصدار حكمنا عليهم بيخليهم يفهمونا غلط.

يعني زي ما شوفنا الجرسونه، صبرها بدأ يخلص عشان الولد كان بيبدل رأيه بين الايس كريم العادي وابو كاكاو وظنت بيه ظن السوء.

دايما ً بنتسرع في أتخاذ مواقف بنلاقي بعد كده انها كانت غلط،

ومعندناش صبر ولا بندي مساحة للغير في كتير من المواقف في الحياة سواء ً في العمل أو في المحيط العائلي أو في محيط الحب.

قال سيد الخلق صلى الله عليه وسلم : ( إياكم والظن؛ فإن الظن أكذب الحديث )/ متفق عليه

وقال ابن سيرين : " إذا بلغك عن أخيك شيء فالتمس له عذرًا ، فإن لم تجد فقل : لعل له عذرًا لا أعرفه "

الله عليك يا kh
يريت الناس تفهم الكلام ده

شكرا على ردك يا كبير

» رسالة جميلة لازم تقروها